自 Netflix 今年年頭自爆左會拍《Resident Evil (生化危機)》嘅劇集版少少資料後，一直都冇乜相關嘅消息出現過，但勢估唔到喺 Netflix 嘅 Twitter 突然公開左劇集版最新消息。

When the Wesker kids move to New Raccoon City, the secrets they uncover might just be the end of everything. Resident Evil, a new live action series based on Capcom’s legendary survival horror franchise, is coming to Netflix. pic.twitter.com/XWh5XYxklD

— NX (@NXOnNetflix) August 27, 2020

官方公開嘅同之前流出版本都有唔少出入，所以之前流出嘅所有資訊都可以忘記佢啦！跟據外媒 Hollywood Reporter 報導，Netflix 版《Resident Evil (生化危機)》將會分兩條時間線，一邊將會係成個系列嘅重要嘅 Raccoon City (拉昆市) 仲未爆發 T-virus 事件之前；另一邊將係 T-virus 事件發生十幾年後，人口不足 1500 萬 ，T-virus 感染全球 60 億人嘅末世後時代。

而主角將會係《生化危機》系列陰魂不散嘅 Albert Wesker 同姓嘅一對姐妹 Jade Wesker 以及Billie Wesker 嘅故事。暫時所知呢對姐妹嘅爸爸一定係 Albert Wesker ，不過係親生、領養定製造就不得而知。

Albert Wesker

美劇《Supernatural》嘅編劇 Andrew Dabb 除左會有份寫今次嘅劇本之外，仲有會做埋監製，到時唔知會唔會見得返《Supernatural》兩位演員 Jared Padalecki 同 Jensen Ackles 喺今次Netflix 版《生化危機》出現呢？

《Supernatural》劇照，左 Jensen Ackles；右 Jared Padalecki

Netflix 版《生化危機》第一季共八集，每集一個鐘頭，第一集標題都已經定為「Welcome to New Raccoon City 歡迎來到新拉昆市」，但故事證實同遊戲版完全無關，而係咪會同電影版接軌？咁就要等官方進一步公佈。