【遊戲介紹】極爽快高難度類惡魔城遊戲《GRIME》挑戰死亡邊緣刺激

高難度類惡魔城遊戲嘅成功,造就左好多獨立遊戲公司製作呢一個遊戲類型作品。 開發商 Clover Bites 即將於 2021 年推出嘅《GRIME》,似乎適合一眾想繼續挑戰遊戲難度嘅玩家使用。

 

 

《GRIME》就咁睇上嚟同已往嘅同類遊戲好唔同,以一個超現實風格包裝呢個橫向動作高難度類惡魔城遊戲。故事講述一個不尋常嘅物質令世界崩潰嘅同時,被拉到一個陌生嘅異空間,你亦異化成一個可以吞噬敵人遺體成為自己能力嘅黑洞生命體。(闇黑版星之卡比?)

 

 

摧毀、吸收、成長,升級成你最適合自己嘅獨特攻擊風格,去挑戰異界不同嘅恐怖生物,有啲敵人身型仲要比你大隻幾倍咁多添。極爽快嘅行動模式、空中攻擊、武器轉換、檔格反擊等高技巧性戰鬥系統,絕對符合對動作遊戲有要求嘅玩家使用。

 

 

《GRIME》早前喺 Gamescom 公佈嘅時候就只得 PC 版,但官方最新表示話將會登陸其他平台。雖然暫時都只係得一條嘅預告片公開,已經好值得大家期待。

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章