【遊戲新聞】可三人線上合力動作遊戲《Godfall》PS5 焦點大作揭示第一彈

 

由 Counterplay Games 工作室開發、並由 Gearbox Publishing 發行嘅次世代高難度動作遊戲《Godfall》進一步公開新消息。《Godfall》對應平台為 PS5 及 PC(Epic Store),據報將於 2020 年末發售,暫時未知是否會與 PS5 同步推出(相關報導)。

 

 

遊戲於線上活動「PAX Online」裡面嘅「Gearbox PAX Digital Showcase」展示全新實機遊玩片段,玩家可以見到單挑/三人合力打王嘅大概過程。

《Godfall》嘅故事發生於架空世界「Aperion」,Aperion 已陷入末世,而玩家飾演擬神化嘅「Valorian」騎士,可以使用具有神力嘅特殊裝備「Valorplates」;而你地嘅最終目的,就係要打敗最強狂神 Macros。

 

 

《Godfall》係一隻極為重視攻擊要素嘅遊戲,除左可以三人 Online Co-op,亦可以單機遊玩。今次片段中見到角色分別使用大劍、長槍以及重型武器戰鎚,全部為傾向近攻型嘅物理攻擊,暫時未知會否仲有其他武器類型選擇。

「盾」於遊戲中亦發揮重要作用,《Godfall》有盾反機能,到底可否掌握時機進行 Parry Attack,或者搵出敵人弱點給予會心一擊,就全看玩家技術,或者三人團隊如何合作。

 

 

遊戲裡面亦有「風土水火」等元素屬性,唔同屬性嘅頭目同戰鬥區域,亦會增加各種需要玩家臨場反應嘅環境變化。

《Godfall》於 Epic Store 上面已經開始預約,不過相信睇到呢度嘅你,同我地一樣都係傾向入手 PS5 版本;目前所知 PC 版本遊戲售價為 USD59.99(約 HKD 468),相信遊戲亦會於近日正式公開 PS5 售價及上架日,請大家悉目而待。

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章