【遊戲新聞】新作玩和風仲有坐騎小幫手《Monster Hunter Rise》明年三月正式上架 Switch

 

Capcom 於 9 月 17 日舉行嘅「Nintendo Direct mini ソフトメーカーラインナップ 2020.9」正式宣佈《Monster Hunter》將正式推出新作《Monster Hunter Rise》,為 Switch 獨佔作品,並已定於 2021 年 3 月 26 日正式上架。

《Monster Hunter Rise》今集極有日本和風忍者味道!玩家於《Monster Hunter Rise》飾演嘅獵人,居住在盛產鐵礦嘅城鎮「神火村」,不過,由於災禍「百龍夜行」即將到來,為左保護家園,獵人們挺身而出對抗各種龍獸。

 

 

今集加入左「翔蟲(かけりむし)」元素,會根據玩家指示嘅方向飛行,亦可以發出特殊嘅「鐵蟲絲」將獵人拉近,以協助玩家於陡峭懸崖及岩石上移動以及加快玩家移動速度;而各個區域裡面亦無固定邊界,玩家可以於各區進行無縫狩獵。

 

 

部份敵人介紹包括:

 

 

「怨虎龍」,怨虎龍會對獵物緊追不捨,並恃機進行兇猛攻擊嘅牙龍種敵人。

 

 

「傘鳥」,傘鳥擁有極強地盤意識,遇到敵人時會高展雙翼,豎起酷似人類眼睛嘅鳥冠去恐嚇闖入者。

 

 

 

鐮鼬龍王」,鳥龍種,擅用鐮刀形狀嘅尾巴攻擊;鐮鼬龍王亦會與同伴組成小型「鐮鼬」團隊,經常與當中精銳嘅兩隻「鐮鼬」於地盤巡視。佢地一旦發現獵物,就會施展三位一體嘅合力攻擊。

 

 

河童蛙」,兩生種,極為肥胖,極為貪吃。見到會移動嘅物體就會連同泥水沙石食入肚;進食後因為肚仔太大,動作會變慢,不過攻擊力亦會相應上升。

今集仲有新嘅騎乘隨從「加爾克」,係可以配合玩家進行攻擊嘅好伙伴,玩家騎乘期間,可以不消耗耐力地高速移動,亦可以喺上面回復體力,係非常幫到手嘅支援型角色。

 

 

《Monster Hunter Rise》支援四人聯機遊玩,為 Switch 獨佔作品,並已定於 2021 年 3 月 26 日正式上架。

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章