【遊戲新聞】最強多人喪屍遊戲 《Left 4 Dead 2》相隔十年推出最後大改版

經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲)。早前官方宣佈將推出最後一次大改版「The Last Stand」,為玩家帶來多將生存戰役地圖及大量更新,聽日就有得玩啦。

 

 

「The Last Stand」本身係一代生存模式入面嘅燈塔地圖,後來被玩家 dancing queen 將佢搬到去二代 Steam 工作坊,而之後得到 Valve 承認並加以修正,正式將呢幅地圖列為正式更新,加到二代遊戲中,可以話係玩家與官方嘅努力成果。

 

 

今次嘅更新除咗「The Last Stand」地圖外,另外加入 26 張新嘅生存地圖、2 種全新近戰武器鏟子及稻草叉、4 張清道夫地圖、2 種新嘅變種玩法「Rocketdude」及「Tank Run」、加入一代感染戰、初代角色登場、30 個全新成就、PvP 平衡更新強化、全新角色動畫等等,絕對係超全面大改版。

 

 

《Left 4 Dead 2:The Last Stand》將於 9 月 24 日上線,所有 PC 版用戶皆可免費更新至此版本。

 

五木

動漫電玩宅,極愛金田一系列,擅長動作及策略遊戲

追蹤

更多文章