【遊戲新聞】《幻想大陸戰記:盧納基亞傳說》SLG 戰棋遊戲今年年尾登錄 PS4

 

由 Happinet 開發嘅經典戰略遊戲全新作品 《幻想大陸戰記:盧納基亞傳說(Brigandine The Legend of Runersia)》已率先於 2020 年 6 月 25 日正式登錄 Switch 平台(相關報導);而官方剛剛亦宣佈,遊戲將會於今年 12 月 10 日登錄埋 PS4 平台,定價為7,200円(未連稅)。

 

 

《幻想大陸戰記:盧納基亞傳說》為一隻回合式戰棋戰略遊戲,遊戲舞台設置於幻想世界「盧納基亞大陸」,玩家可由六大勢力中選擇,並且可從過百名騎士以及魔物中編成自己部隊作戰,最終目標為統一整個大陸。

遊戲中不論隸屬任何勢力,所有嘅騎士、魔物都會隨戰役而成長,亦都因為各色眾多嘅關係,所以會隨著遊戲進度而發展成不同面貌,亦即係有超高耐玩性。

 

 

除此之外,遊戲人設及配樂擔當,分別係知名繪師「風間雷太」老師、以及享譽盛名嘅音樂作曲家「佐藤天平」,鍾意中世紀科幻風格嘅朋友萬勿錯過。

於 PS4 版發售當日,Switch 版亦會同時推出大型更新,詳細資料將於日後發表。

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章