有睇開電競比賽嘅朋友相信都會成日見到 BenQ（Zowie）呢個品牌，因為佢地性能好又穩定，廣受賽事主辦商及電競玩家喜愛。最近佢地就推出針對遊戲玩家開發嘅 EX 系列，外型靚仔之餘仲有齊強化遊戲體驗嘅功能，為遊戲玩家帶來多一個選擇。
BenQ（Zowie）係唔少電競比賽指定競賽屏幕
今次介紹嘅 EX 系列分別係 25″ 嘅 EX2510 同埋 27″ 嘅 EX2780Q。
25″ 嘅 EX2510 有 Full HD 1920 x 1080 解析度，支援 HDR、144Hz 更新率及 1ms MPRT（Moving Picture Response Time） 反應速度，使用 IPS 面板。另外仲有 FreeSync Premium 將畫面撕裂感降至最低。性能基本上完全合符現時電競級屏幕標準。
EX2510 外觀設計頗有「電玩味」，性能上亦完全合符現時電競級屏幕標準
EX2510 比較同廠 Zowie XL2411P 定位接近，但更偏向一般遊戲玩家。增加遊戲中過暗場景調光，而且唔會影響其他亮部表現嘅屈機黑平衡功能、144Hz 更新率配搭 1 ms MPRT 反應時間、FreeSync Premium 減少遊戲畫面撕裂情況，以上幾種針對遊戲強化功能 EX2510 同樣擁有。另外佢仲加入「Light Tuner」功能，當遊玩非 HDR 遊戲時，能夠提供 20 種色彩模式選擇，無論邊類型遊戲，都可以 Set 一種你覺得舒服嘅色彩顯示，設定自己專屬嘅遊戲體驗。
除咗以上功能，EX2510 嘅 HDR 係 BenQ 獨家嘅類瞳孔技術 HDRi，利用光感應器偵測環境光快速調整螢幕亮度，身處環境不論係日頭定夜晚，你嘅螢幕亮度都會處於最恰當嘅狀態。另外改善影像對比及清晰度、增加細微飽和度、提升色彩平衡呢類 HDR 功能同樣齊備。
畫面以外，EX 系列同樣注重音效。EX2510 配備 2隻 2.5W 喇叭及 DSP 晶片，內建 2.1 聲道，能夠支援三種不同聲音模式。當中嘅遊戲模式會增強聲音定位，以便識別細緻音效位置或來源，例如係子彈聲或者敵人腳步聲。另外仲有戲院模式，加強低音，保持人聲清晰；搖滾/派對模式，啟用 3D 環繞音效及節拍增益效果器，令聲音環繞。
另一款 27″ 嘅 EX2780Q，擁有 2560 x 1440 解析度（2K），同樣支援 HDR、144Hz 更新率，5 ms（GtG） 反應速度，使用 IPS 面板。同樣有 FreeSync 將畫面撕裂感降至最低。另外 EX2780Q 定位係娛樂影音，所以會跟埋一隻搖控，方便睇電影時喺房間各個角落都可以進行操控。
EX2780Q 會跟一隻搖控，方便睇電影時喺房間各個角落都可以進行操控
上面講過嘅黑平衡功能、HDRi、音效強化、內建 2.1 聲道等等喺 EX2780Q 都會見到，而且佢嘅喇叭係 2.5w x 2 + 5w，對應聲音模式高達五種，聲效表現更為強勁。
有中置 5W 喇叭，聲效表現更為強勁
以上二款 EX 系列同樣具備德國萊茵低藍光、不閃屏護眼雙認證，防止螢幕呈現肉眼看不見嘅抖動閃爍，有效減少眼睛疲勞，產生的老花眼年輕化。亦有效舒緩眼睛疲勞與疼痛，減低藍光做成黃斑病變、白內障等眼疾，即使長期作戰都有健康保證。
EX2510 建議零售價 HKD$2,249，EX2780Q 建議零售價 HKD$3,799，如對以上產品有任何疑問，歡迎聯絡 BenQ Facebook 或致電 2330 6760 查詢。