【遊戲新聞】龍騎士07 x DMM 恐怖和風 AVG《祝姫 Iwaihime》繁體中文版本月登錄 PC

 

《祝姫 Iwaihime》原本為 2017 年於 PS4 及 PSVita 上面推出嘅恐怖遊戲,由著名作家「龍騎士07」聯合 DMM 共同推出;不過,當時遊戲未有中文對應,所以令到唔少玩家卻步。

時隔三年,《祝姫 Iwaihime》將於 2020 年 10 月 24 日正式登錄 Steam 平台,並由官方直接支援繁體中文版本,假如你對 龍騎士07 有愛,或者係時候入手呢隻遊戲了。

 

 

龍騎士07 為日本著名作家寫手,曾創作經典驚慄作品《寒蟬鳴泣時》(ひぐらしのなく頃に)。今次佢創作的《祝姫 Iwaihime》為一隻融合大量風土傳說嘅和風 ADV,故事講述男主角「煤拂 涼」按照家族傳統,在成長到某個年紀之後,必須離開父母獨立生活以作鍛鍊,因此入讀縣立須須田高中二年級。

在班上,涼遇見了「黑神十重」,一位總是抱著人偶嘅神秘女同學,兩人的交集,原來正正是詛咒的開始。

 

 

龍騎士07 擅長描寫劇情轉折以及精神恐怖的畫面,難得今次《祝姫 Iwaihime》有繁體中文版本,想在萬聖節感受一下節日氣氛,或者佢會係一隻唔錯嘅選擇:

 

 

以下為 PS 版本遊戲開場片段:

 

 

麻生龍

中二病廢中,打機會自己講野自己笑,鍾意睇機械人動畫,貓世一。

追蹤

更多文章