【LEGO快訊】向膠袋說不 紙包LEGO現真身

 

一個月前,LEGO 官方就對外公開宣佈,因環保理由,三年內會投放高達 4 億美元,於 2025 年之前就會將依家嘅產品內包裝袋,將會以紙袋取代現有嘅透明膠袋。結果一個月後,估唔到咁快就已經可以見得到個疑似嘅全新包裝紙袋出現喺 ebay

 

睇落同有泡泡紙嘅郵包袋質地相似,包裝面仲比過往嘅透明膠袋印刷更精美,而且仲面有唔同嘅圖案。然而包裝面所印嘅圖案,係咪同包裝內嘅組件所砌出嘅相對應,咁就要等到正式公開發售後先知道。

LEGO 以甘蔗去製作膠磚到轉用紙袋去減少碳排放,為環保出一分力當然係好啦,但作為全環最大嘅塑膠生產商之一,要做到全面配合環境保育,希望能夠如 LEGO 官方所講, 10 年內可以全面以「可持續性物料」製造所有產品,咁就功德無量啦。

資料來源:LEGO

 

 

 

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章