【遊戲新聞】暴雪前二大巨頭合組新公司 開發新即時戰略遊戲

即時戰略遊戲(RTS)雖然曾經係熱門遊戲項目,但因為入門門檻極高,令大量普通玩家卻步。另外《英雄聯盟》、《 CS:GO》等遊戲較易入門,觀賞性高,相比下更複雜嘅 RTS 遊戲(例如《星海爭霸 II》)收視率及玩家數量每況越下,廠商亦越黎越少開發呢類型遊戲。幸好二位前暴雪巨頭已合組新公司,將開發新型態嘅 RTS 遊戲。

 

 

今次主角分別係前《星海爭霸 II》製作總監 Tim Morten 以及曾擔任《魔獸爭霸3:寒冰霸權》項目總監 Tim Campbell,佢地二位合組新公司「Frost Giant Studios」。對於 RTS 迷黎講,新公司成立擁有非常重大嘅意義,因為喺十月中暴雪發表一篇公告,內容係通知《星海爭霸 II》玩家,未來公司唔會再為擁有十年歷史嘅遊戲製作新內容,只會專注於平衡性修正。美國頂級玩家 Future(Joseph Stanish)就曾講過呢個消息雖然係預料之內,亦唔認為會改變星際爭霸可持續性,但無疑為遊戲帶黎負面印象。

 

 

現時《星海爭霸》喺韓國仍然係極受一般民眾歡迎,歐洲亦有唔少新血加入,Team Liquid、ENCE 等著名 eSports 隊伍亦有繼續參加《星海爭霸 II》比賽,但係舊年《星際爭霸》世界冠軍大賽就發放超過 200 萬美元獎金。證明 RTS 遊戲雖然遊玩及觀看人數比唔上其他熱門遊戲,但仍然有為數不少嘅支持者。

 

 

現時「Frost Giant Studios」正著手為遊戲性測試及消費者研究構建下一代實時戰略遊戲原型,佢地亦強調唔會削弱或淡化 RTS 遊戲嘅體驗。反而要思考對於新玩家黎講,RTS 遊戲相對陌生,因為喺大多數遊戲中你都只係控制單一角色,但喺 RTS 遊戲入面,你喺由相機角度睇晒成個戰場,同時要非相熟悉技能樹、生產線、策略等等,所以當下應該要諗嘅係點樣提供好嘅初體驗感覺俾新玩家,令佢地玩得更舒適。

 

 

現時已得到投資者提供 470 萬美金種子資金,並已僱用了八名全職員工,其中七名係來自《星海爭霸 II》團隊。「Frost Giant Studios」認為新嘅 RTS 作品可能係將即時戰略遊戲引入新一代遊戲玩家同電競迷嘅第一步,並認為佢地有好多事情可以做得更好。

 

 

雖然新作品唔知幾時先見到,但由呢班有實力嘅人組團製作嘅新遊戲,非常令人期待。

五木

動漫電玩宅,極愛金田一系列,擅長動作及策略遊戲

追蹤

更多文章