【讀者投稿】新一代仙境手機版 《RO 新世代的誕生》可玩度遠勝前作

《RO 新世代的誕生》,我覺得做得唔錯。

可惜《新生》嘅宣傳PV竟然做得比早幾年隻《RO 2》、《守愛》差,而《RO 2》、《守愛》實在畀咗太多希望老玩家,同時間亦令太多老玩家鎩羽而歸,令到好多老玩家對《新生》非常警戒⋯由《RO 2》重製後誔生開始,所有買到RO特許經營權嘅遊戲商,都會令《RO》有以下元素:

 

每日委托

每日十個賞金委托任務,經驗豐富之餘,更會獲得奧丁祝福(經驗值倍增用嘅點數)。閒日解每日委托都只係十幾分鐘,休閒玩家可以儲起奧丁祝福喺假日先同朋友狂歡衝等,偶爾仲會有一個緊急副本任務喺十個賞金任務後面,所以解晒賞金任之前唔好用晒啲副本次數。

 

副本關卡

 

黃金蟲會係玩家接觸到嘅第一個副本BOSS。副本及打王,就係大家花時間掛機外,最需要玩嘅部份。五個人一齊面對BOSS,好好分工,拉仇恨、輸出、輔助,雖然有補師,但打王唔係補師夠補就唔洗死,王要殺人,一套技打中可以秒殺,就算秒唔到都會俾佢控技控到死。要避招、要補位、要救人。

 

生活技能

 

生活技能由《RO》年代官方話想整,整到《RO 2》出來先見到生活技能嘅雛型,生活技能影響你嘅裝備育成、戰鬥道具等。簡單啲講就係挖礦、採集,之後砌裝、合成,之後先打怪嘅MH模式,而且今次妙勒尼礦坑真係有礦挖啦!除此之外,仲有釣魚、園藝、冶煉、烹飪等。另外,將原版《RO》賢者嘅屬性卷軸(武器附屬)、弓手嘅製造箭、鍊金藥水、仲有大小生活用品,都移晒畀商人系列特有嘅製作,令到商人變成要用錢來維持生活,以賣嘢同 NPC 搶生意,成為一個強化玩家互動嘅機制。

每日解釣魚任務時,釣上來嘅魚矺前50名。就有自動魚桿或多過 20釣魚幣來自動釣魚。

今次《新生》同《守愛》唔同,唔多唔少僅僅只係設有上面嘅要素,無話咩公會技能、課金技能架床疊屋無設置過多育成要素,令遊戲卡關卡到死。

《守愛》逼課金、死肝嘅程度,係要用 3~4 個人物先可以育成得起一個角色,除咗覺得「玩隻GAME,都要疲於奔命」外,更加係覺得無論課幾多、肝幾多都係一個無底洞。好快就淋熄想重溫回憶而來嘅老玩家團火。

 

 

今次嘅《新生》有個優點,就係一個人物可以同時玩到 3~4 種養成方法。遊戲入面有個叫「方案」嘅功能,可以同時升 N種 配點、配技於同一個人物上,變相花一份嘅時間有好幾份嘅滿足感,話晒 RO 老玩家最鍾意嘅就係咩都試下嘅育成方法。

 

 

 

同時間,微課金對遊戲體驗實在太有效,買月卡同埋新手包(約100元左右)就可以做到基本成裝,直接衝到中後期再農裝。作為一個前遊戲設計師,我覺得一個能夠令玩家安心微課金遊戲係最好嘅遊戲環境。

掛機升等內部自設(好似當年天翼之鏈,肝到癡線嘅《守愛》反而侷你用模擬器設外掛),除非開《RO》私服嘅幾百倍經 / 掉寶,否則當年《RO》嘅 0.02% 掉寶率真係……。雖然內建掛機,不過去到副本掛機就一定打唔贏 BOSS 同爬塔,唔好諗住掛機升等就係無腦、無技術GAME。

 

 

 

《新生》經過近一年封測,無數次平衡性調整後,於封測最後後而且係最好嘅平衡成果,就係武器(裝備)每件雙屬性(Attributes)。令持有不同武器嘅角色,差異更明顯,即刻變育成農裝遊戲,例如下表咁:

 

衣=防、雙防:披=防、HP;腳=HP、魔防

主屬性:

武器=ATK / MATK ;盾=HP(有例外;而副屬乜都有)

副屬性:

單手劍(劍士):物穿

單手斧(商人):物穿

短劍(盜賊): 急速(詠唱及冷卻 減免)

單手杖(服事、法師):魔穿

鈍器(服事、商人):攻速

雙手槍(劍士):急速(詠唱及冷卻 減免)

雙手劍(劍士):攻速

拳刃(盜賊):攻速

雙手斧(商人):急速(詠唱及冷卻 減免)

長弓(弓手):攻速

短弓(弓手):急速(詠唱及冷卻 減免)

書典(服事):急速(詠唱及冷卻 減免)

雙手杖(法師):急速(詠唱及冷卻 減免)

按裝備已經可以為不同職業分門別類;而且隻GAME主要就係養裝;同用好自己角色。

(某啲組合,可能要等2-2轉會有更好發揮;特別係配盾嘅職)

劍士:穿透/HP(盾)、技能(槍)、平A(雙手劍);

盜賊:技能/HP(短刀)、平A暴擊(拳刃)、技能/攻擊次數(雙短刀);

商人:穿透/HP(單斧)、平A/HP(鈍器)、技能(雙手斧);

弓手:技能(短弓)、平A(長弓);

服事:穿透/HP(杖)、技能(書)、平A/HP(鈍器);

法師:穿透/HP(單手杖)、技能(雙手杖)

 

雙手武器並無較高攻,但急速、攻速主要都係雙手武器上,所以攻擊表現點都高一截;而短刀雖然較低攻、但因為二刀連擊同埋有啲盾畀物傷附加(每一下攻擊附加真實傷害,更何況刺客係可以雙刀),所以其實係可以用。好滿意。淨係了解點樣配裝已經好開心。

由於急速、攻速、HP都係睇裝多過睇配點,所以二轉前,配點一律建議先點 STR 及 INT 等升好攻擊力先,其次就按技能嘅要求配(例如劍術修練會將 50% AGI轉為物攻)。

今次嘅RO《新生》,主要就係睇大家一齊打波士、挖礦、釣魚、採集,集齊素材就合成裝備同埋升裝備嘅遊戲。(芒享嗎?RO也要MH了嗎?)下次,我再續個職業講下每個角色嘅配點。

 

註 1)OX問答小遊戲:記得有時間每日都去玩一次,有經驗值之餘、啲問題係可以幫助你也速記好遊戲裏面嘅機制

註2)隻GAME開發商係大陸廠,但佢地好落心機做。因為隻遊戲要生存到落去,就一定要賣埠,賣埠就代表要面向世界,雖然啲簡體字都未清得乾

 

 

古渡

古渡 《Pokemon XY》400小時遊玩時間,天梯賽1700以上嘅非專業玩家。閒時會寫下嘢咁

追蹤

更多文章