Marvelous 於 10 月 28 日宣佈，將於 2021 年 5 月 20 日推出 RPG 作品《符文工廠 5（Rune Factory 5）》，對應平台為 Nintendo Switch。

《符文工廠》系列為融合《牧場物語》及 RPG 元素嘅幻想歷險作品，而即將推出嘅新作《符文工廠 5》將繼續採用第三視點玩法，並加入前作少見嘅大量 3D 要素。玩家於《符文工廠 5》裡將飾演失去記憶嘅主角，你將會加入警備隊，於鎮上展開新生活，包括出外探險、在內發展畜牧業，亦可自由與其他 NPC 交流甚至開始戀愛關係。

已加入 Nintendo Switch Online 嘅玩家，亦可以於日版 e-Shop 上，在  2/11～8/11 期間免費暢玩前作《符文工廠 4》。

Marvelous 於 2020 年 5 月 25 日正式發表與中國騰訊的商業合作企劃，騰訊控股設於香港嘅子公司 Image Frame Investment 正式購入 Marvelous 20％ 股份，成為 Marvelous 的最高持份人（詳細報導）。《符文工廠 5》以及即將於 2021 年 2 月推出嘅 《牧場物語 橄欖鎮與希望的大地》（詳細報導）將會係騰訊入股後推出嘅首兩隻作品。