【遊戲介紹】超寫實 PS5 模擬器 唔洗等立即擁有新世代主機

全城 Game 迷個個想買 Ps5,但有幾多個真係買到機?由一位獨立遊戲製作人 Alex Grade 所製嘅呢隻 《PS5 Simulator》,明顯為左滿足一眾買唔到 Ps5 嘅玩家,等大家一嘗擁有呢部新世代主機嘅滋味。

 

開機定劏機?

 

《PS5 Simulator》呢隻免費電腦遊戲雖然擺明純粹惡搞,但絕對唔係求其擺部機喺場景入面等你掟機發洩咁 Hea,而真係有晒成個真實流程喺遊戲當中。玩家由收到速遞貨件開始,開箱、搵拖板、插線到開到 Game 嚟玩,所有步驟都完全做足。

 

 

最誇張係人面有隻傳說中嘅 PS5 大作《Knack 3》比大家「試玩」,不過因為遊戲中嘅 PS5 機能非常太強,一開 Game 轉個頭就爆機出工作人員表。

 

真係有《Knack 3》(笑)

Hideo Kojima?又關小島秀夫事?

 

相對用手機影張 AR 相扮下擁有,似乎呢隻《PS5 Simulator》更能夠安慰一眾機迷嘅弱小心靈。有興趣過下癮止下痕嘅朋友,自己去下面傳送門 Download 嚟玩下啦。

《PS5 Simulator》免費下載傳送門

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章