如果你係《007》占士邦 Fans，今年都幾難過，先有辛康納利離世，再加上 007 變埋黑人女性做主角，心臟要幾強壯先可以頂得住呢啲消息？ 好彩喺 2020 準備完結之際，終於有啲比較值得期待嘅消息出現。

光頭殺手《Hitman》系列製作公司 IO Interactive 公佈，將會為《007》呢電影系列製作全新遊戲，暫時叫做《Project 007》。預告片雖然無乜資訊，根據 IO Interactive 喺《Hitman》系列嘅往積，直接將個系統搬落去《007》主題都已經非常出色，而且官方表示今次會係一個全新創作，遊戲中將會首次披露《007》占士邦嘅起源故事，所以非常值得大家期待。