斷估大部份人同我樣，都係由《The Witcher 3: Wild Hunt》（巫師3：狂獵）先開始接觸呢個系列，對於前作嘅認知係接近零的。日前開發商 CD Projekt 就宣佈，初代《巫師》加強版（The Witcher: Enhanced Edition Director’s Cut）將會變成永久免費，只要大家安裝「GOG Galaxy」即可輕鬆下載。

初代《巫師》雖然都係角色扮演動作遊戲，但就唔好諗住同《巫師 3》差唔多，實際上係採用完全不同嘅系統。初代《巫師》不但唔係開放世界，戰鬥系統亦都比較「流」，就算強化版，畫質同戰鬥質感都好「微妙」。不過如果係想了解原著故事的話，初代《巫師》係一個唔錯嘅選擇，因為劇本上係比較接近原著。

即日起，只要安裝 CD Projekt 旗下遊戲平台「GOG Galaxy」，就可以喺「最近遊戲」入面見到拎 Game 嘅 Banner，同意接受 GOG 新聞資訊就會自動領取。