【遊戲攻略】《Immortals Fenyx Rising 芬尼克斯傳說》初期入手史詩級坐騎「獨角獸」地點分享

 

有「Ubisoft 版薩爾達」之稱嘅《Immortals Fenyx Rising 芬尼克斯傳說》已經於 12 月 3 日上市,呢隻作品雖然受到《薩爾達傳說》唔少啟發,不過故事內容、戰鬥模式以及解謎部份都建立到自己特色,係近期編輯部熱推之作。

於遊戲中高速移動需要消耗「精力值」,我地今次會同大家分享,初期於「常春谷」就可以入手嘅史詩級坐騎「獨角獸」所在位置。「獨角獸」有三條精力 Bar,可以載住玩家長期跑動都不成問題,地點如下:

 

 

去到現埸就會不難發現一隻藍色馬匹模樣嘅動物。遊戲中,當動物降低警覺性,就可以於身後按「Y」馴服該種族成為你嘅坐騎;呢隻獨角獸都不例外。不過,畢竟係史詩級,警覺性會比較高,玩家或需要多少少耐心去收服。

 

 

成為坐騎之後就可以高速穿梭於原野之中,玩家於遊戲序盤就能入手,假如你而家先知道呢個資訊,一陣開機玩就收服左佢先吧!

《Immortals Fenyx Rising 芬尼克斯傳說》已於 Xbox Series X|S、Xbox One、PlayStation 5、PlayStation 4、Nintendo Switch 及 PC(Ubisoft Store)平台上推出。

 

回帶相關文章:

【遊戲攻略】《Immortals Fenyx Rising 芬尼克斯傳說》初期拿取大量金幣 全大七弦琴樂譜分享

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章