【遊戲新聞】PC 版本《Stardew Valley》推出大型更新擴展農場到沙灘!開放火山區域仲有新角色登場

 

《Stardew Valley(星露谷物語)》本周推出超大型更新(1.5 update),為玩家帶來大量更豐富遊戲嘅內容、全新農場管理選項等等。《Stardew Valley》為 ConcernedApe 工作室於 2016 年於 PC 平台上率先推出嘅模擬經營遊戲,大受玩家歡迎,獲得玩家高度評價,後來遊戲亦登錄到主機以及手機平台上面。

 

 

是次大型更新會率先於 PC 版本上實踐,主機玩家就預定於 2021 年更新。更新內容包括全新場景「沙灘農場」。遊戲一開始時提供各類型農場供玩家選擇,而每個農場嘅收入來源及經營方向都會有所分別(例如山脈農場會傾向玩家開礦、河濱農場會傾向玩家釣魚等等);「沙灘農場」由於難以引入水源灑水種植,所以挑戰性提高,但係利用海邊嘅優勢,玩家一樣可以靠水產類開始經營。玩家今次仲可以養鴕鳥!

 

 

《Stardew Valley》最初係由製作人 Eric Barone 受到《牧場物語》嘅啟發而一人開發而成,遊戲於上一次 1.3 更新中已經開放多人合作模式,而今次 1.5 更新嘅內容非常豐富,除左上面提及嘅「沙灘農場」之外,仲加入唔少 NPC、新事件、新配樂、新主線目標,而玩家與場景嘅互動亦變得更多元化,例如可以騎鴨於水上移動等等。

同時,更新會開放全新地域「Ginger Island」,上面有全新任務及謎題供玩家挑戰,以及一個神秘火山區域;除此之外,仲會加入新角色「Leo」,Leo 有其獨立故事線,亦有一定數量嘅事件會與 Leo 有關。

官方詳細更新清單

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章