【遊戲介紹】遊戲版未來水世界《Age of Water》 Alpha測試現已開放申請

鍾意睇科幻片嘅朋友,一定聽過《未來水世界 (Waterworld)》呢套電影,故事大概就係講冰川融化後海水覆蓋全地球,倖存嘅人類就喺海上繼續生活。套戲好唔好睇就見人見智但勝在諗法創新,26 年後終於有隻類似題材嘅多人線上遊戲即將面世,而 Alpha 測試已經開始比玩家申請。

 

 

Age of Water》呢隻 Game 由多人載具對戰遊戲《War Thunder》開發商 Gaijin Entertainment ,聯同獨立遊戲開發商 Three Whales Studio 合力製作,遊戲故事背景同《未來水世界》八成相似,又係未來比水覆蓋,人類只能夠住喺啲未倒塌嘅建築或者海上要塞生活。

玩家主要就控制自己架船出去搵食、搵資源、搵寶藏、搵文物,再去唔同地區交易賺錢,途中會遇到海盜攔途截劫,所以就要升級自己嘅船隻去繼續冒險。

 

 

《Age of Water》已經開放 Alpha 測試申請,不過暫時只係得 PC 平台可以申請,想玩嘅就去下要傳送門自己登記啦!

《Age of Water》Alpha 測試申請傳送門

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章