【遊戲介紹】從遊戲到現實的教育 《Alba: A Wildlife Adventure》宣揚正面訊息休閒冒險遊戲

好多唔打機嘅人成日有個觀念,就係覺得打機=浪費時間、教壞人等等,不過實際上遊戲係會教導你各種各樣嘅知識,例如《刺客教條》系列就以簡單易入口嘅方式去介紹各地著名地標起源及相關歷史。早前就推出一隻叫做《Alba: A Wildlife Adventure》嘅休閒冒險遊戲,遊戲入面充滿各種正面訊息,極之正面!

 

 

《Alba: A Wildlife Adventure》由英國工作室 Ustwo Games 製作,佢地曾製作《Monument Valley》(紀念碑谷),亦即係勇奪 2014 年 Apple Game of the Year 嘅作品。遊戲講述主角 Alba 去一座小島探望祖父母,同時計劃與朋友 Ines 一齊觀察尋找島上嘅野生動物。不過佢地好快就發現,島上嘅生物因為人類嘅破壞,正面臨各種威脅。於是 Alba 就決定發起拯救島嶼行動,尋找稀有動物、修理被破壞嘅鳥屋,令動物們可以安心生活。

 

 

《Alba: A Wildlife Adventure》展示人類與環境之間嘅關係,了解到人類各種行為對環境嘅影響,亦都係借遊戲改變大眾認知,帶出環境保護主題。亦都因為咁,Ustwo 參加咗馬達加斯加嘅「修復紅樹林」計劃,只要遊戲每下載一次,佢地就會同 Ecologi 合作種一棵樹,目標係全球種 100 萬棵樹,遊戲喺 12 月 11 日推出,喺呢段時間佢地已經種咗 276,490 棵樹了。

 

《Alba: A Wildlife Adventure》已經推出,對應平台為 PC Steam 及 Apple Arcade,Xbox Series X|S、Xbox One、PS5、PS4 版本將於 2021 年春季發售。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章