街機市場夕陽到喊，日本亦都唔好得幾多，睇下 SEGA 賣走大部份街機業務就知。雖然不景氣，但係仍然有公司開發新作投入市場，黎緊就會有隻新嘅高達街機遊戲《機動戦士ガンダム アーセナルベース》推出，會率先喺日本推出，希望香港都玩到啦。

《機動戦士ガンダム アーセナルベース》係一款全新高達街機遊戲，屬即時戰略型卡牌對戰類。暫時官方公佈嘅資訊極少，參戰作品未明，但因為主視角圖使用突擊高達，《Gundam Seed》已肯定會係參戰作品之一。

官方亦同時公佈咗街機機身外觀設計，機身上有五個放卡位，應該會限制最大出擊機體數量為五架。遊戲就預定於 2021 年內推出，詳細遊戲玩法等進一步資訊就會喺三月上旬公開，有興趣嘅玩家記得留意。