【遊戲介紹】彈幕格鬥遊戲《東方憑依華 〜 Antinomy of Common Flowers.》將於今春推出 NS|PS4 版本

 

日本同人工作室「黄昏フロンティア(黃昏邊境)」於 2021 年 2 月 13 日宣佈,將於同年春天推出彈幕格鬥動作遊戲《東方憑依華 〜 Antinomy of Common Flowers.》嘅 NS|PS4 版本,定價 4,180円(連稅)。

《東方憑依華》於 2017 年於日本例大祭上先行推出試玩版,亦於 2018 年 C93 時正式推出 PC 版本,為《東方》系列遊戲第 15.5 隻作品,玩家可單人遊玩,亦可聯機對戰。遊戲當中登場「東方」角色共十八位,包括博麗靈夢、八雲紫、茨木華扇等等多個為人耳熟能詳的角色。

 

 

與一般格鬥遊戲有所不同嘅係,《東方憑依華》裡面嘅角色不同重力束縛,可以靈活進行近身攻擊或者符咒|魔法彈幕攻擊;同時每次戰鬥,玩家可選用兩個角色以「主・從」身份上場,並於戰鬥中隨時切換操作角色。

《東方憑依華》主線故事由系列原創嘅「上海アリス幻樂団」裡面嘅 ZUN 撰寫,故事承接同系列遊戲《東方深秘録》,不過就算唔係東方 Fans 或者未玩過前作遊戲嘅玩家,都能夠於是次動作遊戲中獲得相應樂趣。

《東方憑依華 〜 Antinomy of Common Flowers.》NS|PS4 版會於 2021 年春季推出;Steam 版本連結如下:

 

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章