【遊戲介紹】泰恐怖新對戰遊戲 《Home Sweet Home: Survive》多人連線體驗泰式鬼捉人

唔少朋友一講起泰國好多時都會諗起統一六國,之後就係恐怖靈異神怪野,又因為呢個原因所以出色嘅泰式恐怖遊戲都會以「泰恐怖」黎形容。早幾年嘅一款有「泰恐怖」之名嘅遊戲《Home Sweet Home》將會推出系列新作《Home Sweet Home: Survive》,不過今次就由單人冒險變成多人連線對戰遊戲,睇片感覺幾唔錯!

 

 

《Home Sweet Home: Survive》係一款非對稱多人對戰遊戲,採用第三身視點,最大支援五人線上連線。遊戲故事就講述一堆人被拉入一個叫做「Hindrance」嘅世界,喺呢個世界入面會有幽靈鯩殺倖存者並收集佢地嘅靈魂,於是倖存者就要設法離開呢個地方,幽靈就要設法狩獵人類。

 

 

遊戲中玩家將分為幽靈及倖存者兩個陣營,扮演幽靈一方有強大嘅力量,主要目標係獵殺四位倖存者,唔俾佢哋離開。倖存者一方就會因應角色不同而有各自嘅核心目標,可選擇與其他玩家互相配合完成目標(例如進行儀式),又或聯手消滅幽靈,甚至係出賣朋友自己逃生。

 

 

不論係幽靈定倖存者,雙方都有機會扮演唔同嘅角色,而且都會有各自嘅特殊能力。幽靈嘅特殊能力大都係提供各種獵殺敵人嘅方式,倖存者一方亦可以對幽靈做成傷害(直頭可以掉返轉頭追殺幽靈),製做誘餌幫隊友爭取時間等等。

 

 

《Home Sweet Home: Survive》預計 2021 年內推出,對應平台為 PC Steam。之前做完 Close Beta 測試得到唔錯嘅評價,有興趣嘅朋友記得留意官方網站消息。

 

 

五木

五木 動漫電玩宅,極愛金田一系列,擅長動作及策略遊戲

追蹤

更多文章