【遊戲介紹】相隔五年全新續作登場《戰國無雙 5》人設&美術風格大逆轉

 

KOEI 正式公佈《戰國無雙 5》發售消息,預計於 2021 年夏季上架,對應平台為 PS4|NS|PC(Steam)。

 

 

《戰國無雙 5》與前作《戰國無雙 〜真田丸〜》已經相隔約五年時間,是次《戰國 5》於人設・美術風格上面都有全新改變,例如首條影片中可見,「第六天魔王」織田信長明顯年輕化,而明智光秀的髮型亦由經典迷人黑長直髮(有時為馬尾造型)變為富有動感的清爽髮髻,其餘可見角色包括信長妻子濃姬(歸蝶)以及明智光秀女兒 ガラシャ 等等。

 

 

 

雖然遊戲正式情報未有詳細公開,不過相信《戰國 5》將與過去嘅《戰國》系列有著截然不同嘅改變,例如戰鬥模式上未必再係「一騎當千」嘅斬草式遊戲,而係更近似於 2020 年《薩爾達無雙 災厄啟示錄》嘅遊戲風格;而根據片段中角色年紀推測,遊戲開始的舞台大概會比起前作更為推前。

有新消息再為大家報導!

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章