【遊戲介紹】無文字潛行動作遊戲 《Fox face kills!》用計謀暗殺「狼」被發現即死

又係介紹小品獨立遊戲時間,今次係一款潛行動作遊戲《Fox face kills!》,遊戲雖然有基本故事框架但係除咗選項之外就完全無文字的,加上玩法係一被敵人發現就「即死」,感覺新鮮。現時已登上 Steam,並有體驗版免費下載。

 

 

 

《Fox face kills!》由秋全也獨力開發,係一款平面潛行動作遊戲。遊戲講述「狼」本來被奉為神靈,但係食過人肉之後就墮入魔道。佢哋會喺漆黑無人嘅暗夜徘徊,狩獵婦女及小孩再綁回荒廢都市進食。主角狐狸臉意外遇上女孩被綁架一刻,於是決定潛入廢棄城市,淨化狼群。

 

遊戲最特別嘅地方係一款「真潛行」遊戲,唔係果種被人發現可以選擇逃跑 or 開戰嘅潛行遊戲,而喺被人發現就會「即死」。因為故事設定「狼」係前神靈,所以人類正面對決係毫無勝算的(但係同一般狼相反,有極差嘅嗅覺、視力)。要擊殺「狼」,就要使用技巧接近佢哋,例如躲藏於掩體後、爬上光管、熄燈製做視野盲點等等,再用經過神聖洗禮嘅藍色鎖鏈將之絞殺。用絞殺殺敵之後會得到特殊子彈,使用呢種子彈亦可以殺死狼,但係開槍所造成嘅巨大聲響會引來其他嘅敵人,甚至會發現掩體嘅玩家,所以開槍前要三思。

 

 

《Fox face kills!》已於 2 月 20 日正式發售,對應平台為 PC Steam,同時提供體驗版免費下載。

五木

動漫電玩宅,極愛金田一系列,擅長動作及策略遊戲

追蹤

更多文章