【遊戲新聞】《信長之野望・新生》全新系列作品即將登場・平台未定預計 2021 年內上市

 

KOEI 宣佈系列作最新作品《信長之野望・新生(信長の野望・新生)》將於 2021 年內推出。

 

 

《信長之野望》為以日本戰國作為舞台嘅戰略模擬遊戲,首作於 1983 年推出,從此成為唔少歷史戰略遊戲愛好者嘅經典必玩之作。是次推出的《信長之野望・新生》為系列作嘅第 16 隻正統作品,並由小笠原賢一先生擔任製作人。

小笠原賢一為 KOEI 多年員工,曾協助開發唔少著名遊戲,亦曾擔任《討鬼伝(2013)》、《信長之野望・創造(2013 年)》以及《勇者鬥惡龍 英雄集結II 雙子之王與預言的終焉(2015~2016 年)》系列嘅製作人。

工作室表示,今次嘅《信長之野望・新生》將會加入全新嘅挑戰模式,希望為玩家帶來新鮮感。目前遊戲尚未公開對應發售平台,不過相信會同前作一樣,主要為 PS4、Switch、PC Steam 三個主要平台。

有最新消息會再為大家報導。

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章