【遊戲攻略】六分鐘激賺十八萬 《Monster Hunter Rise》快速賺錢法變富翁其實唔難

今集芒亨製作、升級武器防具對金錢需求量極大,有儲武器癮嘅獵人多數都窮到 hihi,為咗搵錢除咗狂刷素材賣錢之外,其實仲可以靠挖礦致富。只要跟住下面介紹發掘嘅路線,再配合裝備以及環境加成,六分鐘就可以激賺十八萬,錢唔再係問題!

 

跑一轉就咁多石

 

要成為挖礦達人,首要條件係集會所要升到 HR6 先,咁就會出現上位探索地圖「熔岩洞」。出發挖礦前我地都要準備「地質學」LV 3 挖礦裝,可以令礦石採掘數+1,而最簡單達成嘅裝備就係下位皮製裝備手+腳,再配合任意一件有洞裝備插上「地學珠」就搞掂。

 

買下位裝手腳就夠,幾舊水搞掂

然後求其買件有洞裝再插地學珠就夠 LV3

 

出發前我地要先留意任務「環境資訊」一欄中,有無出現「礦石增殖」字眼,因為有「礦石增殖」時挖到嘅素材將會係原先嘅三倍,大大增加採集效率。無的話可以隨意出去探索再完任,刷到有呢個字眼先正式出發。(另外強烈建議大家將地圖設定位放大,方便睇採集點,方法可參考小技巧篇

 

記得要刷到有「礦石增殖」

 

因為熔岩洞地型複雜,建議大家參考下面片段走法。要留意 6 區下方採掘完之後可以直接用翔蟲飛過對面,14 區要用「一目蟹」(7 區往 11 區中可拾取)上秘境,跑得熟的話一圈只需六分鐘就跑完,之後返去主營地就可以跑第二轉,最高紀錄可以喺「礦石增殖」加成下跑到三轉,每轉大約有十八萬收入,非常好賺。

 

路過記得執「一目蟹」,上秘境必備

 

其他相關回帶文章:

【遊戲攻略】操龍系統詳細解說 《Monster Hunter Rise》必學進階技巧做操龍大師

【遊戲攻略】新手獵人小知識技巧 《Monster Hunter Rise》教你地圖長期顯示道具等設定

【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著

 

滅盡殺手

滅盡殺手 重度魔物獵人中毒者,歷代遊玩時間破億分鐘!

追蹤

更多文章