【遊戲新聞】傳會以現代美國作為舞台《GTA 6》活用網路與智能手機橫行邁阿密

 

一直只聞腳步聲嘅《GTA 6》似乎終於有新消息透露。

根據著名遊戲洩密者 Tom Henderson 嘅小道消息,《GTA 6》將會以現代邁阿密 Vice City 作為遊戲舞台,貼近現代都市人生活嘅習慣,遊戲將會有更多與網路、智能手機相關嘅遊玩要素喺裡面。雖然唔少外國玩家都表示希望《GTA 6》能夠以 80 年代作為新舞台,不過假如消息屬實,《GTA 6》似乎會走向繼續現代化嘅發展路線。

 

 

Tom Henderson 為遊戲界非常有名嘅洩密者,佢對於遊戲例如《Battlefield》系列嘅洩密亦都多次證明係事實,所以今次佢就《GTA 6》嘅洩密都引起外媒熱烈討論。

目前有關《GTA 6》嘅官方消息並不多,只知道於 2020 年時,《GTA 6》仍然處於非常初步嘅開發階段。不過,《GTA 6》會以現代美國作為舞台,而唔係玩家期待嘅 80 年代作為舞台,亦都非常符合 Rockstar 對《GTA》歷代與時並進嘅開發理念。

 

 

加上,GTA Online 於世界玩家之間都取得空前成功,即使《GTA 5》本體已係 2013 年推出嘅上一代遊戲,但係 Online 版本嘅更新依然未有間斷,當中投入了不少工作室的心血。所以,下一集無論係遊戲模組、或者係線上模式,都繼續配合時代進發,對工作室而言亦更符合經濟效益。

雖然未知何年何月先至能夠玩到《GTA 6》,不過《GTA 5》依然係唔少慕名玩家入坑之作,於 2021 年 4 月份《GTA 5》更再度回歸 Xbox Game Pass 供會員免費遊玩,有興趣嘅玩家可以下載感受《GTA》世界嘅獨特氛圍。

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章