相信有啲宅齡嘅朋友都會聽過（或者玩過）《Akiba’sTrip（秋葉脫物語）》呢隻遊戲。遊戲於 2021 年 5 月 20 日將會與日本同步推出加強版本《秋葉脫物語：Hellbound & Debriefed》，並有繁體中文版，對應平台為 PS4 及 NS。
《秋葉脫物語》又名《秋葉原之旅》，當年首次於 2011 年在 PSP 平台推出，以非常仿真嘅秋葉原作為舞台，為一隻動作冒險遊戲。玩家飾演主角少年（名稱自定），某日被活躍於秋葉原嘅「陰妖子」攻擊，因此知曉秋葉原嘅危機，更被委以重任，要淨化秋葉原呢個地方。
華文地區將遊戲取名為「秋葉脫物語」則與遊戲裡面嘅系統有關，因為遊戲當中嘅「陰妖子」不能直接面對日光，因此淨化工作，就係要搶奪或者破壞佢地身上嘅衣物，令佢地於日光中淨化死去。遊戲推出後，由於玩家活動自由、亦都某程度上重現咗唔少真・秋葉原嘅地標，例如係「秋葉原UDX」「壽屋」等等，因此於玩家以及宅宅界別大受歡迎。
《秋葉原之旅》後來亦於 2012 年 6 月 14 日推出過包含語音及系統調整《秋葉原之旅 PLUS》，而今次事隔多年推出嘅《秋葉脫物語：Hellbound & Debriefed》，就係以《PLUS》版本作為基礎嘅 HD 加強版。
不過，畢竟係以 PSP 版本作為原點嘅加強版，所以《秋葉脫物語：Hellbound & Debriefed》雖然已加以高清化，不過於現在嘅家用機平台上面操作遊玩（我使用 PS5 作為測試機種），畫面上多少會有點年代感，例如材質粗糙以及模組模糊等等，都在次世代主機機能下一覽無遺；如果遊戲是次推出嘅係「重製版」一定更為出色。
加上遊戲是以 2010 年代左右的「秋葉原」作為設計模經組，所以街道上面一啲店舖或者氛圍，其實都同 2021 年嘅現在有所不同了，當年玩《秋葉脫物語》其中一個樂趣係「掌機去旅行」，而家玩返呢隻 HD 版本，感覺就多少有少少復古感。
不過可以隨街打人、除人衫呢個獨特嘅遊戲設定，無論年代變更世事變改，都依然係會令人玩到好解壓、好過癮的。遊戲主線固然需要玩家警惡除奸，但係裡面仲有唔少充滿玩味嘅支線任務供玩家遊玩。戰鬥中獲得嘅衣物及武器可以隨意裝備到自己身上，但玩家亦可以無視攻擊力與防禦力，單純按照自己喜好配搭，例如係典型阿宅造型（格仔 Shirt 牛仔褲）、拎打 Call 棒打人、或者係搶奪女僕裝等等。
假如你當年未玩過呢隻《秋葉脫物語》，今次有埋台灣在地化繁體中文版本（翻譯做得幾好！）的《秋葉脫物語：Hellbound & Debriefed》或者係唔錯選擇；如果介意畫質問題，如果看著我不妨濛一點，可以考慮入手 NS 版本以掌機形式遊玩。
編輯部評分：6／10（當年 PSP 版我玩得好沉迷！）
《秋葉脫物語：Hellbound & Debriefed》於 2021 年 5 月 20 日推出，對應中英日韓四種遊戲語言，機種為 PS4 及 NS；PS4 版本可在 PS5 上面遊玩。
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。