Square Enix 於日前舉行嘅線上節目「ドラゴンクエスト35 周年記念特番」裡面正式公佈全新外傳作品《勇者鬥惡龍 寶藏（ドラゴンクエスト トレジャーズ；Dragon Quest Treasures）》，發售日與對應平台未定。

《勇者鬥惡龍 寶藏》為《勇者鬥惡龍 XI 尋覓逝去的時光》嘅外傳作品，以卡謬以及妹妹作為主角，故事講述佢地童年時於尋寶途中誤闖異世界，因此展開不一樣嘅尋寶之旅。

是次作品製作人為有多年協力開發《DQ》正傳系列嘅犬塚太一先生，佢表示《勇者鬥惡龍 寶藏》雖然包含大家熟悉嘅《DQ》元素，但係將會係一隻會令玩家耳目一新嘅 RPG 作品。

遊戲目前未公佈發售日及對應平台，有新消息會再為大家報導。