女僕加鐵球我第一時間就諗起雷姆，不過今次介紹嘅遊戲《メイドさんを右にミ☆》就唔關雷姆事，只係咁啱同樣係手握鐵球嘅女僕。呢隻遊戲本身係改自 2004 年推出嘅同名作品，但係為咗切合現代規格，經過大幅嘅改造強化，可以話係半新作，就算有玩過舊版嘅玩家都會有新感覺。

《メイドさんを右にミ☆》由 Platine Dispositif 開發，係一款橫向動作遊戲。遊戲故事發生於東歐某個國家，傳說呢個地方曾經有隻吸血鬼之王，雖然曾被打敗但無徹底消滅。最近廢棄嘅城堡又開始有妖怪聚集，吸血鬼王又就黎復活，領主就要求下曾擊敗佢嘅獵人一族再次出手，然而前往嘅係一個手執鐵球嘅女僕……

遊戲本身同一般橫向動作遊戲差唔多，主要動作都係用鐵球攻擊、跳躍。額外動作有短距離衝刺，使用後可增加鐵球攻擊範圍；揮動鐵球增加跳躍飛行時間。另外類惡魔城常見嘅各種城堡陷阱、多種怪物以及守護區域 Boss 一應俱全。

《メイドさんを右にミ☆》預計於 6 月 10 日上市，對應平台為 Nintendo Switch，另外仲會有 PS4 及 PSVita 版本，不過就未有上市時間。