【遊戲新聞】獲愛爾蘭旅遊局官方認可《刺客教條:維京紀元》用作推廣當地旅遊業

 

Ubisoft 旗下著名 IP 最新作品《刺客教條:維京紀元(Assassin’s Creed Valhalla)》受到愛爾蘭旅遊局官方認可,將部份遊戲畫面用以推廣觀光勝地,以推廣當地旅遊業。

《刺客教條:維京紀元》於 2020 年 11 月 10 日推出,為《刺客》系列第 12 隻正傳作品,故事講述玩家飾演嘅主角,由挪威出發,遠赴他鄉擴闊勢力,當中版圖極廣,由挪威遠至英格蘭群島,於劇本當中滲透不少真實歷史故事。

 

 

愛爾蘭旅遊局日前與 Ubisoft 達成合作,選用遊戲中部份片段,去宣傳地方上面唔同嘅觀光點,包括都柏林(Dublin)、 地理景觀本布爾賓山(Benbulben)以及巨人堤道(The Giant’s Causeway)等等。

 

 

《刺客教條》歷代作品都於還原|重現地貌城鎮上面有住良好表現,而愛爾蘭觀光局市場營銷總監 Mark Henry 就表示,《刺客教條:維京紀元》完美展示咗愛爾蘭其中一面嘅歷史,希望可以藉遊戲吸引更多旅客日後會黎觀光。

 

 

《刺客教條:維京紀元》已於 2020 年 11 月 10 日推出,對應 Xbox One|Series X|S、PS4|5、PC 及 Stadia 平台。

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章