【遊戲新聞】功夫題材動作遊戲《師父 Sifu》延期・第三視點武術復仇記明年上架

 

由法國 Sloclap 工作室開發嘅動作遊戲《師父 Sifu》宣佈延期推出,由原定 2021 年內推出,延至 2022 年上半年上架。遊戲預定對應 PS4|5 及 PC。

《師父 Sifu》於 2021 年 PlayStation「State Of Play」當中首次登場,為一隻第三視點動作遊戲,以功夫武術作為主題,玩家為左報家族滅門之仇而踏上報復之路。玩家除左練得一身好武功,仲會獲得一個具有起死回生功效嘅神奇吊墜;不過使用吊墜有其代價,每復活一次,就會衰老一點。

 

 

工作室 Sloclap 於官方 Twitter 上面表示,遊戲目前仲有好多改善空間,因此唔希望將不完美嘅製成品呈現到玩家眼中前,所以決定延期到 2022 年發售。

 

 

不過工作室亦同時公開咗《Sifu》一條全新遊玩片段:

 

 

有新消息我地會再為大家報導,同時可以參考返編輯部早前為《Sifu》撰寫嘅初期介紹。《師父 Sifu》將延至 2022 年上半年上架,遊戲預定對應 PS4|5 及 PC。

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章