【遊戲新聞】三上真司領軍東京歷險遊戲《Ghostwire: Tokyo》宣佈延期至明年第一季度

 

三上真司領軍遊戲工作室 Tango Gameworks 於 2021 年 7 月 13 日宣佈《Ghostwire: Tokyo》將會延期到 2022 年初發售。

《Ghostwire: Tokyo》於 E3 2019 首次公佈,為一隻第一視點歷險動作遊戲。遊戲原定 2021 年內推出,並對應 PS5 及 PC 平台。不過,工作室於官方 Twitter 上表示,考慮到開發團隊嘅健康狀況以及遊戲質量問題,希望有更多時間去完成遊戲開發,因此有今次延期嘅決定。

 

 

《Ghostwire: Tokyo》以 2021 年的東京作為舞台。於遊戲裡面,東京有 99% 人口突然因為神秘現象而消失,被稱為「神隱」,從而掀出一連串迷團。根據迄今為止公開嘅遊戲片段裡面,《Ghostwire: Tokyo》似乎包括了和風傳統美學以及 Cyberpunk 美學風格,而劇本亦包括都市傳說、陰陽師等等日式要素。

 

 

Tango Gameworks 由有「生化危機之父」美名嘅三上真司領軍,過去曾開發過兩集《The Evil Within》等待恐怖作品,加上是次《Ghostwire: Tokyo》嘅神秘風格,導致一開始有唔少玩家都認為新作品都會係驚慄遊戲;不過根據目前公佈嘅資訊分析,遊戲似乎較著重於動作方面。到底正式版會係乜野面貌,就讓我地一齊期待。

 

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章