於 2001 年初次於 GBA 上推出嘅偵探互動遊戲《逆轉裁判》系列或者會有新作出現！

Capcom 早前推出《大逆轉裁判》合集，並同時推出問卷，希望得到玩家回應，去考慮要唔要再推出新續作。早前遊戲製作人巧舟先生接受外國雜誌《Edge》訪問時就透露，有感以大正時代嘅倫敦作為背景嘅《大逆轉裁判》於國際取得不錯成績，下一隻《逆轉》新作，會有好大機會以其他歷史時期作為遊戲舞台，並起用角色例如主角成步堂嘅祖先「成步堂龍一」、或者其他著名偵探角色等等。

雖然目前亦未能為玩家提供新作資訊，不過巧舟又表示，玩家熱切嘅回應係推動佢地開發續作嘅強心針，期望不日有新消息為大家公佈。

早前 Capcom 推出了《大逆轉裁判1＆2 成步堂龍之介的冒險與覺悟》合集，於 2021 年 7 月 29 日全球同步於 Switch、PS4 及 PC Steam 平台上發行，有興趣嘅玩家可入手紀念。