【遊戲介紹】手繪橫向解謎冒險 《Planet of Lana》以非戰鬥型式拯救星球之旅

今年好似特別多手繪風格遊戲發表,但係以橫向解謎型式表達,同時強調以非戰鬥型式對抗嘅作品就唔多覺眼。今次介紹嘅作品《Planet of Lana》就係一款以「非戰鬥解謎」為主打嘅遊戲,配合手繪風格,睇落別有一番風味。

 

 

《Planet of Lana》由瑞典獨立遊戲工作室 Wishfully 開發,係一款橫向卷軸解謎冒險遊戲。故事設定於一個因未知原因而遭到文明滅絕嘅星球,並且於地上滿佈各種冰冷機械與奇怪生物,玩家將作女主角 Lana,喺呢個美麗嘅星球探索尋找各種線索,解開星球文明滅絕嘅真相。

 

 

遊戲最特別嘅地方係在於戰鬥系統 – 就係無戰鬥系統。玩家要與同伴透過尋找線索及潛行前進,解開各種謎題,越過危險嘅局勢,逐步接近故事核心。於事前預告片中所見,解謎方式與初代《波斯王子》有唔少相似嘅地方,例如運用動作快速啟動機關並通過。

 

 

《Planet of Lana》預計於 2022 年推出,對應平台為 Xbox Series X|S、XBOX One 及 PC Steam。

五木

動漫電玩宅,極愛金田一系列,擅長動作及策略遊戲

追蹤

更多文章