【遊戲新聞】SEGA 隆重預告的新作 RPG 原來只是手遊・網民群起按 Dislike

 

即將就係東京遊戲展 2021 舉行嘅日子,唔少廠商都於近期公開遊戲新消息預告,希望獲得玩家注意。SEGA 亦都唔例外,早前佢地於網上公開全新作品 Teaser 片段,表示為 SEGA x ALTUS 共同開發嘅全新 RPG 項目。

就咁睇題目以及開發陣容或者會令玩家大為興奮,但係呢條片段於 Youtube 公開之後,Dislike 人數居然多過 Like 人數超過三倍,原因係因為:呢隻仲未公開嘅作品原來只係手機遊戲

 

 

早在 SEGA 預告自己將會推出一隻新 RPG 作品時,原本網友都期待會係新《櫻花大戰》作品、或者係 ALTUS《Persona 6》會有正式公佈;後來發現只係一隻手機 RPG 遊戲時,玩家感到失望都係人之常情。

SEGA 營運手機遊戲可謂一波三折,例如《櫻花大戰》衍生手機遊戲《櫻花革命》上架不足半年就因為營收不善、收入不足而快速腰斬;其他超短期腰斬作品,仲包括 2019 年男性偶像育成遊戲《Readyyy!》(營運少於半年)、《RE:VOLVERS 8 召喚輪轉》(營運少於一年)等等,當中惟有《初音未來》系列係能夠營運超過兩年。

未曾出師已引來玩家不滿,到底呢隻 SEGA 新手機 RPG 未來走勢會是如何?有新消息會再為大家報導。

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章