Arc System Work 工作室宣佈將推出《熱血硬派 國夫君外傳 熱血少女 2》，對應平台為 Xbox One｜Series X｜S、PS4｜5、Nintendo Switch 及 PC（Steam），預計 2022 年上架。

即將推出的《2》為 2019 年遊戲《熱血硬派 國夫君外傳 熱血少女》嘅續作。上集講到男主角「國雄」與「阿力」被敵人綁架，於是佢地嘅女朋友「京子」及「美佐子」就化身勇武派出去拯救情人。《2》嘅故事發生喺綁架事件嘅數個月後，主角們仲未知道敵人嘅真正目的，但係佢地就讀嘅高校就發生巨變，因此主角們又要再度走上街頭戰鬥。

今集新增元素包括：支援線上二人合作遊玩（上集只支援 Local 聯機）。同時加入日語語音，配音陣容亦為大家熟悉嘅聲優：

京子：諸星堇（諸星すみれ）
美佐子：黑木穗乃香（黒木ほの香）
國雄：古川慎
阿力：小林千晃

雖然遊戲依然係走點陣圖風格，不過整體畫質以及效能表現都比上集更為提昇，同時關卡內容會更為詳盡豐富，鍾意呢個系列，或者喜愛玩平面動作遊戲嘅玩家萬勿錯過。

《熱血硬派 國夫君外傳 熱血少女 2》，對應平台為 Xbox One｜Series X｜S、PS4｜5、Nintendo Switch 及 PC（Steam），預計 2022 年上架，正式發售日有待公佈。