【遊戲新聞】人龍工作室變天!名越&佐藤離職・SEGA 同時公佈《人龍 8》正式開發

 

SEGA 兩位著名製作人「名越稔洋」以及「佐藤大輔」於 2021 年 10 月 8 日宣佈離開效力多年嘅公司,意味住「人龍工作室」將改組,同時宣佈將起用七代主角「春日一番」班底創作嘅《人中之龍 8》已經投入開發當中。

 

 

人龍工作室(龍が如くスタジオ)於 2011 年成立,為 SEGA 旗下最主要嘅旗艦開發部門,開發作品包括使用自家引導「Dragon Engine」製作嘅《人中之龍》系列、《Judge Eys》系列,除此之外仲有《現嚐好滋味!超級猴子球》系列。

工作室改組之後,將由《人中之龍 7》製作人「横山昌義」及「阪本寛之」領軍,帶領「堀井亮佑」「伊藤豊」及「三嶽信明」等新生代同事,繼續為玩家開發《人龍》及其他相關遊戲作品。

 

 

早前有傳「名越稔洋」受到中國網易(消息來源:彭博)高薪挖角,不過今次名越及佐藤離職並未公佈自己最新去向,暫時未肯定名越是否已加盟中國網易旗下。

新人龍工作室亦同時宣佈《人中之龍 8》已投入開發當中,預計會沿用《人龍 7 》嘅 RPG 系統,對於鍾意春日一番故事線嘅玩家黎講可以繼續密切期待。

祝兩位製作人前途似錦,新人龍工作室嘅表現亦都令人期待,有新消息會再為大家報導。

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章