《女神異聞錄（Persona）》系列「御用」作曲家目黒將司（目黒将司）宣佈離巢效力多年嘅 ALTUS 工作室，今後將以獨立工作人身份進行遊戲開發以及音樂創作工作。是次「獨立」通知由 ALTUS 官方發出，並表示雙方「和平分手」，依然保持良好關係，日後亦會與目黒先生進行合作，而目黒亦表示會繼續為 ALTUS 旗下作品提供音源創作。

目黒將司於 2021 年 9 月尾時已離開 ALTUS，唔再屬於公司旗下嘅 Sounds Team。今次目黑由 ALTUS 員工轉為獨立身份，相信對佢黎講意義重大，因為目黑於 1995～1996 年於日本大學畢業後已經加入 ALTUS 效力，參與 1996 年第一隻《女神異聞錄 Persona》遊戲嘅音樂製作。

由 2006 年開始，目黑嘅音樂創作與《女神異聞錄》系列幾乎劃上等號，佢獨力負責嘅遊戲音樂作品，包括 2006 年《女神異聞錄 3》、2008 年《女神異聞錄 4》、2011 年《Catherine》、2016 年《女神異聞錄 5》等等。目黑嘅作品多以輕搖滾、爵士樂配以英文歌詞作為主調，而使用英文歌詞嘅原因，據說係因為推算大部份日本玩家唔熟悉英文，就算 BGM 有英文歌詞都唔會令佢地於遊玩過程中分心，是為一大趣話。

以下為《Persona 4》名曲之一「Snowflake」：

雖然日後將以獨立身份進行工作，不過相信我地仲會喺唔同遊戲作品中聽到目黒老師嘅作品。有新消息會再為大家報導。