動物模擬遊戲唔係咩稀有類型遊戲，例如勁出名嘅《Goat Simulator》就係好例子。今次介紹嘅遊戲《The Wolf》就係扮演野狼，可以同朋友連機一齊「狼衝」，仲勁騎呢地有魔法系統，可施放冰、火等魔法，想試下做魔法狼係咩感覺的話，呢隻 Game 啱你。

《The Wolf》由 Good Luck Games S.A. 開發，本身係一隻手機遊戲，不過日前正式喺 Steam 上架，分類係大型線上角色扮演動作遊戲，採用第三身視點。遊戲中玩家將扮演野狼，融入狼群中與佢地生活，並透過探索、狩獵、擊殺 Boss 等手段逐步令自己變強，以成為狼群首領為目標。

玩家可以透過自訂客製化野狼外型及設定造型，透過狩獵可升級，之後可點選生命、攻擊、防禦、速度四種屬性，另外亦有技能樹，可解鎖冰、火等攻擊魔法，亦可以學「冰牙」等強化技能，不過戰鬥系統表現陽春，主要都係同敵人互毆，無乜技術可言。遊戲模式則提供多人合作狩獵進行無盡農怪地獄，或 PVP 競技場模式，不過去到大約 70LV 後基本上都係互秒，平衡性欠奉。

《The Wolf》PC Steam 版已經推出，對應繁體中文。