【遊戲新聞】《Fallout 4》神秘區域原定藏有《生化奇兵》風格金庫・仲有巨大章魚 NPC

 

Bethesda 工作室 CEO Todd Howard 早前於外國論壇 Reddit 進行「你問我答」環節,透露《Fallout 4(異塵餘生 4)》部份未有公開嘅元素。

有玩家問道,於《Fallout 4》裡面,神秘區域 Vault 120 到底原意係乜野,為何有檔案存在,但係遊戲裡面又唔見有特別之處?Todd Howard 就大方表示,原本工作室打算於 Boston Harbour 區域設置一個特別地區,地城仲會係《BioShock 生化奇兵》嘅風格,仲設計咗巨大章魚形象嘅 NPC 可以同玩家互動,只係可惜呢個設計最後無加入到遊戲當中。

 

 

Todd Howard 表示以上嘅情節係「遊戲被刪去嘅部份」,不過就無透露原因。不過佢暗示《Fallout 4》推出 10 周年紀念時,或者會於 Reddit 再次進行「你問我答」環節,有興趣嘅玩家到時可以上去提問,或者佢會再揭露更多遊戲相關秘密。

《Fallout 4》於 2015 年 11 月 10 日推出,目前已登錄到 Xbox Game Pass 當中。Bethesda 早前透露《Fallout 5》將會開始進行開發,不過有鑑於工作室目前資源會集中於《Starfield》以及《The Elder Strolls VI》等大作,所以距離《Fallout 5》推出相信仲會有一段漫長歲月(相關報導)。

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章