《三國無雙 8》製作人鈴木亮浩先生早前接受外媒 JP Games 訪問時表示，有意與《Star Wars（星球大戰）》合作去製作《星球大戰無雙》系列遊戲。

《Star Wars The Last Jedi》海報

曾開發多集《三國無雙》系列作品的知名 KOEI 製作人鈴木亮浩，目前雖然忙於《三國無雙 8 Empires》嘅營運，不過佢表示自己一向都有意與唔同遊戲 IP 合作推出「無雙」作品。KOEI 過去曾與唔少三方遊戲廠商合作，例如係推出《勇者鬥惡龍 英雄集結 闇龍與世界樹之城》（2015 年）、《薩爾達無雙 災厄啟示錄》（2020 年）及《女神異聞錄5 亂戰 魅影攻手》（2020 年）等等，作品風評不一，不過噱頭十足。

鈴木亮浩透露，工作室目前對於下隻合作嘅遊戲 IP 有許多建議，但係佢個人優先考慮作品為《Star Wars》。目前呢個商業企劃仲係於構想階段，未有正式定案；不過如果真係推出《星戰無雙》，唔知大家又有無興趣一玩？

有最新消息會再為大家報導。