《Elden Ring 艾爾登法環》裡面有各種各樣的 NPC 角色，當中不少角色都有扭曲又富有暗黑色彩的支線故事，只有少數一直對玩家以禮相待又溫和的 NPC，其中一個就是結緣教堂裡面的大龜牧師米利耶。

遊戲的世界觀是宮崎英高與 George R.R.Martin 共同創作的，不過唔少網友都表示，於宮崎英高嘅文本撰寫之下，遊戲中到底有邊啲部份係 George R.R.Martin 嘅創作，實在係好難辨認出來。係地域上面各式殘存嘅王城，抑或身份成謎的各條巨龍？最近外國網友就發現，故事裡面至少結緣教堂裡面的大龜牧師米利耶，絕對與 George R.R.Martin 有關。

在撰寫小說《冰與火之歌》的時候，George R.R.Martin 曾經多次接受媒體訪問，當時佢數度提過自己小時候有多年飼養寵物龜的習慣，而且會為龜龜們取名、擬定身份，例如係國王龜，騎士龜，會幻想佢地住喺王城裡面，更會為龜龜嘅角色去創作歷險故事。

George R.R.Martin 對龜呢種動物有極深感情，亦提到寵物龜係佢小時候嘅好朋友與支柱之一；所以米利耶之所以會以龜嘅形象出現，或者都係 George R.R.Martin 嘅一點個人趣味。

順帶一提，玩家於晚上時份進入結緣教堂，將會遇上入侵的 NPC「鈴珠獵人」，擊敗後重新坐火，就會再次見到米利耶。

《Elden Ring 艾爾登法環》已經於 2022 年 2 月 25 日推出，對應 Xbox Series X｜S、Xbox One、PS4｜5 及 PC 平台。