自俄羅斯發動展爭企圖以武力入侵烏克蘭後，引起全球大多數人反感，近期更因為普京要歐洲各國以盧布交易天然氣，直接令到費用上漲，影響到普通人日常生活自然更乞人憎。想向普京出氣嘅話機會來了，新作《Fuck Putin》以普京為糟質對象，想點搞就點搞。

《Fuck Putin》由 Tornado Games 開發，係一款模擬遊戲，採用第一身視點。遊戲玩法非常簡單，就係對普京用各種「道具」施以創意玩法，幫助佢消滅「特殊軍事行動」呢個想法，不過講到尾最主要都係出返啖氣。

玩得虐待，有咩道具顯得好重要。暫時已知嘅有 AK-47、手榴彈、地雷、大型木槌、圓型鋸片等等，亦可以將佢吊上絞刑架、綁上火箭射佢上天，事後更可以喺佢屍體上小便侮辱佢。另外，玩家可以同時設置無限個普京任你魚肉，而普京亦會有普通版、裸體版、大波版、跨性別、黑色版以及熊殺手六種 Skin，總之玩得 Happy 就得。玩到殘晒之後，仲可以進入 Photo Mode，拍攝你嘅作品同其他人分享，希望佢本人都睇到啦。

《Fuck Putin》將於 4 月 14 日上架，對應平台為 PC Steam，免費遊玩。