【遊戲介紹】《American Arcadia》人生原來只係一場電視節目・題材激似占基利電影《真人 Show》的歷險遊戲

 

西班牙獨立工作室 Out of the Blue Games 正在開發一隻模擬人生題材的歷險遊戲《American Arcadia》,目前遊戲發售日未定,暫定對應 Steam 平台,家用機平台會於日後公佈。

 

 

遊戲題材與著名演員占基利出演主角的 1998 年電影《真人 Show(The Truman Show/楚門的世界》可謂非常相似!遊戲舞台位於一個名為「Arcadia」的城市裡面。城鎮時間點設於 70 年代,非常復古,而城裡人民都過住舒適而富泰的和平生活。

 

占基利《The Truman Show》電影海報

 

然而,城中住民並唔知道,原來佢地面對緊嘅「真實人生」,其實只係一個 24 小時全球直播的電視節目「American Arcadia」,佢地面對嘅人生、選擇、事件,全部都係由電視台安排出黎。

 

 

唔知道真相嘅住民,每日都將自己嘅「人生」赤裸裸地坦露於觀眾眼前;而於城鎮裡面唔同歡迎、或者對於生活提出疑問嘅住民,一律會被電視台殺死,去確保城鎮永遠處於和諧假象;牆外的人看著你們笑話,牆內的人活在牢籠當中,卻依然以為自己活在烏托邦。

 

 

玩家於遊戲當中將會分飾兩個角色,以兩個視點、兩個視角去展開歷險。遊戲操作視點會隨住劇情而有所改變,部份時間為 2.5D 第三視點,主要發生於動作劇情;部份時間則為第一視點,主要發生於解謎、Hacking 等等情節。

故事主角之一為城鎮裡面最受歡迎嘅角色「Treaver Hills」。Treaver 於城鎮當中過住日復一日嘅平淡生活,而佢同時係節目觀眾最喜愛嘅角色之一;不過,Treaver 某日聽到了奇怪的聲音,結果意外離開了城鎮的場景,去到了節目的後台,赫然發現自己生活在一個虛構的世界!到底呢個係 Treaver 能夠回到現實社會嘅契機,定還是係節目為咗刺激收視而推行的特別企劃?

 

 

Out of the Blue Games 於 2020 年時曾推出解謎歷險遊戲《Call of the Sea》,帶有懸疑感的劇本構寫以及具有挑戰性的謎題,都令到作品獲得極多好評;今次製作規模更大的另類歷險遊戲《American Arcadia》亦都相當值得玩家期待。

《American Arcadia》,目前遊戲發售日未定,暫定對應 Steam 平台,家用機平台會於日後公佈,有新消息會再為大家報導。

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章