【遊戲介紹】大宇回合制角色扮演 《海平線 無盡旅程》航海探索各地擲骰仔決定戰術

曾經製作出《軒轅劍》、《仙劍奇俠傳》等經典系列嘅大宇,近年都仲有製作遊戲,質素仲…….哈哈哈,不過係今次介紹呢款《海平線 無盡旅程》感覺就有啲唔同,由大廠出品但滲透住陣陣嘅獨立遊戲味,日前推出搶先體驗測試,可以觀望下。

 

 

《海平線 無盡旅程》(Sea Horizon)由大宇旗下遊戲工作室 45 studio 開發,係一款 Roguelike 回合制角色扮演遊戲。舞台設定於一個被海洋所環繞嘅世界:邁里希恩,由於陸地位於遍佈各地嘅塊島嶼,航海就成為最主要嘅交通方式,而玩家所扮演嘅主角群為咗對抗魔族侵擾,紛紛向海平線彼端揚帆出海征討敵人。

 

 

根據官方資訊,將會有五名角色以及兩位隱藏角色選擇,每名角色都會有自己專屬嘅背景故事及技能,玩家要透過推進故事或完成事件解鎖其他角色。戰鬥部份雖然採用回合制,但係戰鬥係透過裝備嘅骰仔,依據擲出嘅結果決定該回合擁有嘅資源及指令,可以話係極依靠運氣,但係玩家可以透過改變技能與裝備嘅配搭去影響戰術,都幾有趣。

 

 

Roguelike 部份就以地圖組成去呈現,根據背景設定,世界各地會分佈大量不同風貌嘅島嶼,而呢啲島嶼係隨機組成,每次遊玩路線都唔同,玩家可自由探索。不過要注意一點,係旅途中係要消耗糧食的,所以探索路徑都要細心規劃,要隨時注意補給以及運用不同嘅策略。

 

 

《海平線 無盡旅程》已經推出搶先體驗測試,對應平台為 PC Steam,同時有提供試玩版下載,支援繁體中文。

森麻

VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章