【遊戲新聞】金庸題材開放世界動作遊戲《代號:致金庸 Code: To Jin Yong》不過由騰訊開發你又玩唔玩?

 

Tencent Games(騰訊遊戲工作室)發佈全新武俠主題動作遊戲《代號:致金庸(Code: To Jin Yong)》,係市面上久違地以「金庸小說》作為題材的遊戲,並同步公開首條遊戲片花,不過遊戲推出日期及對應平台一律未有公佈。

 

 

中國一於非常熱衷於金庸作品的改篇,幾乎隔兩年就有影視劇集推出;但係反觀遊戲市場,雖然台灣於九十年代早期,一度有改篇金庸作品為 RPG 遊戲的風潮,但係相關作品,近年的確絕跡;而以金庸作品為主題的動作向遊戲更是少見,因此《代號:致金庸(Code: To Jin Yong)》的公佈,就題材而言,的確令華人玩家眼前一亮。

 

 

遊戲為騰訊出品,工作室 LightSpeed Studios 曾經開發《PUBG Mobile》《Apex Legends Mobile》等等著名 IP 的手機版遊戲,所以今次呢隻《Code: To Jin Yong》嘅對應平台亦都相當令人好奇。

 

 

工作室使用 Unreal Engine 5 開發遊戲,就目前片段中嘅畫面可見,人物模組精美,一睇就知道係國家出品嘅美學概念;不過戰鬥流暢度就 Drop Frame 得幾嚴重。遊戲以金庸小說構成的武俠世界為主題,目前見到登場角色包括《神鵰俠侶》的楊過、《笑傲江湖》的令狐沖(官方公佈我先認得出,好少見到咁身光頸靚嘅令狐沖), 而遊戲系統等等資訊一概未有公佈。

到底呢隻騰訊作品,你又會唔會有興趣,會唔會買單?有新消息會再為大家報導。

 

神婆

為咗兩隻貓嘅生活努力奮鬥,遊戲雜食向,全種類 RPG 專攻,重度聲優控。

追蹤

Facebook 更多文章