【遊戲新聞】新《Saints Row》支援跨世代主機連結・有別玩家預期並非跨平台聯機

 

定於 2022 年 8 月 23 日推出的《Saints Row》重啟版本,對應平台為 Xbox Series X|S、Xbox One、PS4|5 及 PC。早前遊戲多返傳出將支援跨平台遊玩,遊戲工作室 Deep Silver 剛剛就澄清,新版《Saints Row》只能夠支援同主機跨世代平台遊玩,即 Xbox One 玩家可以同 Series XS 主機聯機;PS4 可以同 PS5 玩家聯機,但係就唔支援跨平台玩家聯機。

至於 PC 平台是否能夠與任一主機平台聯機,目前 Deep Silver 就未有確切答覆,有新消息會再為大家報導。

 

 

《Saints Row》重啟版由 Deep Silver Volition 開發,係一款以黑幫為主題嘅動作冒險遊戲,採用第三身視點,開放世界,支援兩位玩家連線合作。故事設定於美國西南部中心地帶虛構城市 Santo Ileso,呢個城市基本上由三大幫派主宰,幾位年青人聯群結黨組成「聖徒」,建立犯罪帝國與其他三大幫派對抗,係一個年青人搞初創嘅勵志故事。

早前編輯部獲邀優先試玩《Saints Row》,有興建了解更多的朋友可以參考我地嘅【試玩評測】文章

 

神婆

為咗兩隻貓嘅生活努力奮鬥,遊戲雜食向,全種類 RPG 專攻,重度聲優控。

追蹤

Facebook 更多文章