【任天堂 Direct】重點作品全整理 《薩爾達 2》《八方旅人 2》《火紋》等海量新作發表

琴晚任天堂線上遊戲發佈會「Nintendo Direct 2022.9.13」備受注目,因為事前已知會有《薩爾達傳說:曠野之息》續作消息,不過更估唔到嘅係琴晚一口氣發表海量新作消息,當中有新作有移植作品,而且大多數都會喺今年底到明年上半推出,為咗方便大家一次過睇晒,下面整合晒重點作品嘅影片,大家記得 Mark 定時間打機啦!

 

 

 

備受期待嘅曠野之息續作《薩爾達傳說:王國之淚》,正式確定正式名稱及發售日期,明年五月有得玩,本站文章有更詳細介紹。

相關文章:【任天堂 Direct】《曠野之息》續集《薩爾達傳說 王國之淚》2023 年正式上架

 

 

《星之卡比 Wii 豪華版》,明年二月推出,可以四人合作。

 

 

之前被多個傳媒自行腦補作故仔,話喺早前嘅火災被燒毀母帶嘅《皮克敏4》正式公開,2023 年推出!

 

 

「火焰之紋章」最新作《Fire Emblem Engage》初次發表,2023 年 1 月 20 日推出,必玩之作。

 

 

《瑪利奧 + 賤兔 希望之星》新預告片,戰棋類遊戲,預計於 2022 年 10 月 20 日推出。

 

 

打拳瘦身遊戲《Fit Boxing》新作,同《北斗之拳》Crossover 變成《Fix Boxing 北斗之拳 你已經瘦了》,哇噠噠噠噠噠噠噠噠,今年 12 月推出。

 

 

《零~月蝕的假面~》復刻版登場,大家準備好影相未?2023 年頭推出。

 

 

大腿第三集《萊莎的鍊金工房 3》首次發表, 2023 年 2 月 22 日推出,又係必玩!

 

 

《Crisis Core -Final Fantasy VII- Reunion》最新影片,2022 年 12 月 13 日推出,講《FF7》主線七年前故事,動作角色扮演遊戲。

 

 

大受歡迎作品《八方旅人》續集初次發表,2023 年 2 月 24 日推出,今集會去到新大地玩新角色,更詳細遊戲介紹請查看本站相關文章。

相關文章:【任天堂 Direct】《Octopath Traveller 八方旅人 2》全新主角群&故事!2023 年 2 月多平台同步登場

 

 

《Final Fantasy 節奏劇場》系列最新作品《TheatRhythm Final Bar Line》,預定於 2023 年 2 月 16 日推出,收錄多達 385 首歌曲,可四人線上遊玩。

 

《HARVESTELLA》生活模擬角色扮演遊戲,2022 年 11 月 4 日推出,更多遊戲資訊可以睇返我哋之前嘅介紹。現時體驗版已開放下載,啟動遊戲後可遊玩 15 天,可玩到第 2 章並會繼承 Save 至正式版。

相關文章:【遊戲介紹】生活模擬角色扮演 《HARVESTELLA》農耕畜牧釣魚溝迷宮打怪冒險

 

 

「B 姐」《Bayonetta》第三集,相信都唔需要點介紹,2022 年 10 月 28 日推出。

《槍彈辯駁》團隊新作《超偵探事件簿 霧雨謎宮》,黑暗奇幻推理遊戲,2023 年春季推出。

 

 

《牧場物語 Welcome!美麗人生》重製版,係 2003 年 GameCube 版本重製,2023 年夏季推出。

 

 

《符文工廠 3 豪華版》係 2009 年 DS 上推出嘅《符文工廠 3》強化版,提升畫質及更新 3D 模組,並追加新婚生活新模式及新要素,支援繁中,2023 年春季推出。

 

 

《Tales of Aries》嘅成功令唔少人重新認識「傳奇」系列,《Tales of Symphonia》係當中評價極佳嘅一集,今次會以 HD 復刻版方式再次登場,可惜嘅係並無同時公佈續集消息。2023 年年初推出,支援繁體中文。

 

 

得獎無數嘅《雙人成行》終於出 Switch 版,2022 年 11 月 5 日推出!

 

 

《Factorio》(異星工廠 )係一款玩建造自動生產線嘅遊戲,要挖礦、研發科技、建造自動化產線以及打外星蟲群,支援繁體中文,2022 年 10 月 28 日推出。

 

 

備受好評嘅高難度動作遊戲《Sifu》Switch 版本,2022 年 11 月 9 日推出。

 

 

《結合男子》女性向模擬冒險遊戲,2023 年推出。

 

 

《Ib》Steam 上有「壓倒性好評」嘅平面探索冒險遊戲,體驗恐怖美術館之旅,今年冬季推出。

 

 

《Disney Illusion Island》Switch 版本,2023 年內推出。

 

 

每年都會推出嘅《Just Dance》系列新作《Just Dance 2023》,2022 年 11 月 22 日推出。

 

 

經典戰棋遊戲《Front Mission》重製版,畫質、UI 等內容以貼近現代方式重製,《FRONT MISSION 1st: Remake》會於 2022 年 10 月推出,《FRONT MISSION 2: Remake》會於 2023 年內推出,《 FRONT MISSION 3: Remake》就仍在開發中,未有時間。

 

《全民高爾夫》團隊製作,《Easy Come Easy Golf》係之前喺 Apple Arcade 上推出嘅《CLAP HANZ GOLF》移植版,特式係操作簡單,支援繁體中文,已經推出。

 

大受好評動作角色扮演遊戲《Tunic》Switch 版本,類似《薩爾達傳說 織夢島》咁嘅玩法,2022 年 9 月 27 日推出。

 

 

《Biohazard 8: Village 雲端版》發表,10 月 28 日推出,並即時推出體驗版下載。同時更發表埋《Biohazard 2 重製 雲端版》、《Biohazard 3 重製 雲端版》、《Biohazard 7 雲端版》全部會喺今年內推出。

 

 

《Nintendo Switch Sports》冬季更新,將新增高爾夫球項目。
 

《異度神劍 3》Season Pass 第二彈更新內容公開,2022 年 10 月 14 日推出。

 

 

《Mario Kart 8 Deluxe》第三次更新,將加入新賽道。

 

 

《Mario Strikers Battle League》免費更新,追加新角色及線下 4 vs 4 對戰,九月配信。

五木

動漫電玩宅,極愛金田一系列,擅長動作及策略遊戲

追蹤

更多文章