我哋日常接觸嘅運動，例如係單車、羽毛球、跑步等等都有淋漓滿目嘅配件，有啲係保護作用有啲係提升表現用，黎緊就連電競都有呢類型產品啦！知名運動品牌 Dunlop 早前宣佈進軍電競市場，並推出首款產品「Dunlop Gaming Muscle Arm Supporter」，聲稱有提升玩家表現嘅效果！

今次公佈嘅產品「Dunlop Gaming Muscle Arm Supporter」係一款佩戴於手臂上嘅配件，由上臂覆蓋至手掌底部，使用低摩擦材料降低前臂與 Mouse Pad 表面嘅摩擦阻力，令到 Mouse 更易於操作，特別食合用於 FPS、TPS 類型遊戲。

除咗減低與 Mouse Pad 摩擦造成延遲，更可避免因皮膚摩擦而磨到甩皮，更會通過對整條手臂施加適當壓力去抑制不必要嘅肌肉運動及振動，有助於提高玩家表現效果。物料上就採用吸汗速乾材料，就算長時間使用都無問題。

臂套覆蓋前臂、手腕以及手掌喇叭形狀係分析過電競選手嘅動作再設計，同時為咗避免玩到「甩套」，前端有一個掛於尾指上嘅柔軟掛鉤，此設計並不會防礙 Mouse 操作，此兩種設計現時正在申請專利。另外，類似高爾夫球手套上面用作防滑嘅納米纖維材料亦有套用於此產品，主要係以防止滑落。

「Dunlop Gaming Muscle Arm Supporter」將於 10 月 26 日係 Amazon 發售，會有 SM （上臂圍 23 – 27 厘米）同 ML（上臂圍27-31厘米）兩種 Size 揀，顏色就得一款黑色，另外佢只適用於右手，更多產品相關情報請到官網查看。